தேவையான பொருட்கள்:
1. சுத்தி செய்த கந்தகம்                         -300 கி
2. நாட்டு அமுக்கராக் கிழங்கு             -300 கி
3. பறங்கி சக்கை                                      -60 கி
4. கடுக்காய்                                               -30 கி
5. நெல்லிக்காய்                                         -30 கி
6. தான்றிக்காய்                                         -30 கி
7. சுக்கு                                                          -30 கி
8. மிளகு                                                         -30 கி
9. திப்பிலி                                                     -30 கி
10. வாய்விடங்கம்                                        -30 கி
11. ஏலம்                                                      -30 கி
12. இலவங்கம்                                               -30 கி
13. சந்தனம்                                               -30 கி
14. கடலைப்பருப்பு                                       -30 கி
15. சுத்தி செய்த சேராங்கொட்டை         -30 கி
16. 16.சித்திர மூலம்                                      -30 கி
17. 17 நாட்டுச் சர்க்கரை                             -400 கி
18. தேன்                                                           -200 கி
19. நெய்                                                           -200 கி

செய்முறை :
கந்தகத்தைத் தனியே பொடித்து வைக்கவும். நெ.2 முதல் 16 வரையுள்ள சரக்குகளைப் பொடித்துச் சலித்து வைக்கவும்.சேராங் கொட்டையை நெய்யிலிட்டு கொதிக்க வைக்க அதிலிருந்து எண்ணெய் பிரிவதோடு கொட்டையும் நீக்கி விடவும். நாட்டு சர்க்கரையைக் கரைத்து பாகு வைத்து பதம் வந்ததும் கந்தகத்தையும் மற்ற சூரணங்களையும் அதில் சேர்த்து நன்கு கிளறி பக்குவத்தில் எடுத்துக் கொள்ளவும்.

அளவு: 
5-10 கிராம் வீதம் தினமும் இரு வேளைகள் 40 நாட்கள் கொடுக்கவும்.

தீரும் நோய்கள் :
மேக நோய்கள், மேக நீர், வெள்ளை, தோல் நோய்கள், குஷ்டம், வெண்குஷ்டம் முதலியவற்றிற்கும் பூச்சிக் கடிக்கும் கொடுக்கலாம்.

பத்தியம்:
              புளி நீக்கவும், சிறு பயிறு, துவரை, தூதுவளை, மணத்தக்காளி, கத்திரிப் பிஞ்சு, முருங்கைப் பிஞ்சு, கொத்த மல்லிக் கீரை, நெய், மோர், தயிர் இவைகளை உண்ணவும்.
 

தேவையான மருந்துகள் :
1. பறங்கி சக்கை                               -300 கி
2. நிலப்பனை கிழங்கு                     -150 கி
3. அமுக்கரா கிழங்கு                        -300 கி
4. தண்ணீர்விட்டான் கிழங்கு         -60 கி
5. நன்னாரி வேர்ப்பட்டை                -30 கி
6. முட்சங்கன் வேர்ப்பட்டை            -30 கி
7. கடுக்காய்                                         -30 கி
8. நெல்லிக்காய்                                   -30 கி
9. தான்றிக்காய்                                   -30 கி
10. இலவங்கப்பத்திரி                           -30 கி
11. சிறுநாகப்பூ                                       -30 கி
12. வாய்விடங்கம்                                  -30 கி
13. கொத்தமல்லி விதை                      -30 கி
14. சீரகம்                                                  -30 கி
15. கருஞ்சீரகம்                                       -30 கி
16. ஓமம்                                                    -30 கி
17. குரோசினி ஓமம்                              -30 கி
18. சிற்றரத்தை                                       -30 கி
19. சந்தனம்                                              -30 கி
20. சிறுதேக்கு                                          -30 கி
21. கண்டங்கத்திரி                                 -30 கி
22. சித்திர மூல வேர்ப்பட்டை         -30 கி
23. விலாமிச்சம் வேர்                             -30 கி
24. தக்கோலம்                                         -30 கி
25. வால்மிளகு                                          -30 கி
26. திராட்சை                                            -30 கி
27. பேரீச்சை                                             -30 கி
28. வெட்பாலையரிசி                             -30 கி
29. தாமரைக்கிழங்கு                             -30 கி
30. ஜாதிக்காய்                                         -30 கி
31. இலவங்கம்                                          -30 கி
32. ஜாதிப்பத்திரி                                     -30 கி
33. கருவேப்பிலை                                   -30 கி
34. சுக்கு                                                     -30 கி
35. மிளகு                                                    -30 கி
36. திப்பிலி                                                -30 கி
37. இலவங்கப்பட்டை                            -30 கி
38. பால்                                                      -30 கி
39. சர்க்கரை                                            -30 கி
40. தேன்                                                    -30 கி
41. நெய்                                                     -600கி
42. குங்குமப்பூ                                         -4 கி
43. கோரோசனை                                  -4 கி
44. பச்சைக் கற்பூரம்                            -4 கி

செய்முறை :
நெ. 1 முதல் 37 வரை உள்ள சரக்குகளை இளவறுப்பாக வறுத்துப் பொடித்து சலித்து வைக்கவும். பாலையும் சர்க்கரையையும் சேர்த்துக் காய்ச்சி பதத்தில் இறக்க, சூரணத்தைச் சிறிது சிறிதாக சேர்த்து நன்கு கலந்து பின்னர் நெய், தேன் சேர்த்து இத்துடன் கோரோசனை, குங்குமப்பூ, பச்சைக் கற்பூரம் ஆகியவற்றையும் பொடித்துக் கலந்து வைக்கவும்.

அளவு : 
3 -6 கிராம் வீதம் தினமும் இரு வேளைகள் வீதம் நாற்பது நாட்களுக்குக் கொடுக்கவும்.

தீரும் நோய்கள் :
மார்பு நோய், மேகப்புண், பறங்கிப்புண், கிரந்தி, சூலை, கண்ட மாலை, லிங்கப்புற்று, யோனிப்புற்று, சர்மரோகம், வெள்ளை, வாயு, வளி நோய், கபநோய் - 96, பிரமியம் என்கிற பிரமேகம் வெட்டை முதலியன.