தேவையான பொருட்கள்:

• கம்புஅரிசி -1கப் 
• பொடியாகநறுக்கிய வெங்காயம்-1 கப் 
• பச்சைமிளகாய் -5 
• மிளகாய்வற்றல்-3 பொடியாக நறுக்கிய 
• கருவேப்பிலை,கொத்தமல்லி சிறிதளவு 
• தேங்காய்துருவல் - 1/4கப் 
• உப்பு -தேவைக்கேற்ப 
• எண்ணெய்தாளிக்க கடுகு,உளுந்து,கடலைப்பருப்பு தாளிக்க

செய்முறை:

       கம்பரிசியை 3 மணிநேரம் ஊறவைக்கவும், மிக்ஸியில் கொரகொரப்பாக அரைக்கவும். அடிகனமான கடாயில் எண்ணெய் காயவைத்து கடுகு, உளுத்தம் பருப்பு, கடலைப்பருப்பு தாளித்து. வெங்காயம், மிளகாய்  கருவேப்பிலை, கொத்தமல்லி சேர்த்து லேசான பொன்னிறத்திற்கு வதக்கவும். உப்பு சேர்க்கவும். அரைத்த மாவையும் சேர்த்து லேசான தீயில் வனக்கவும். மாவுடன் தேங்காய் துருவலையும் சேர்த்து கெட்டியாகும் வரை வதக்கவும். ஆறியதும்கெட்டியான உருண்டைகளாக பிடித்து ஆவியில் வேக வைக்கவும். எள்ளுஇட்லிப்பொடி, காரசட்னியுடன் பரிமாறவும்.

பலன்கள்:

        புரதம், கார்போ ஹைட்ரேட் ஆகிய சத்துக்கள் இதில் உள்ளன. கடலை,உளுந்து பருப்புகளில் புரதம் அதிக அளவில் உள்ளன. கறிவேப்பிலை,கொத்தமல்லி இலைகள் செரிமானத்தை மேம்படுத்துகின்றன.

தேவையான பொருட்கள்:

• கம்புமாவு- 2கப் 
• முருங்கைஇலை-1 கப் 
• பொடியாகஉடைத்த முந்திரி-2 டீஸ்பூன் 
• பொடியாகநறுக்கிய பெரிய வெங்காயம்-2 
• பொடியாகநறுக்கிய பச்சைமிளகாய்-2 
• சோம்பு-1 டீஸ்பூன் 
• மிளகு-1 டீஸ்பூன் 
• கொத்தமல்லிபொடியாக நறுக்கியது 
• சிறிதளவுஉப்பு & எண்ணெய்

செய்முறை:

      முருங்கை இலையை நன்றாக சுத்தம் செய்து ஒன்றிரண்டாக நறுக்கிக் கொள்ளவும். கம்பு மாவுடன் சோம்பு, மிளகு, உப்பு, கொத்தமல்லி, முந்திரி, நறுக்கிய வெங்காயம், பச்சை மிளகாய்,முருங்கை கீரையையும் சேர்த்து சிறிது தண்ணீர் தெளித்து கெட்டியாகப் பிசைந்து கொள்ளவும். சிறு சிறு உருண்டைகளாகஉருட்டி இலையிலோ அல்லது தட்டிலோ எண்ணெயைத் தடவி அடைபோல் தட்டவும். தோசைக் கல்லில் எண்ணெய் ஊற்றி இரண்டு பக்கமும் திருப்பிப் போட்டு நன்கு வேகவைத்து எடுக்கவும்

பலன்கள்:

      உடல் வெப்பத்தைதணிக்கும் ஆற்றல் கொண்டது. கை,கால் மூட்டு வரிகளைகுணமாக்கும். பார்வைத்திறன் அதிகரிக்கும் கால்சியம் பாஸ்பரஸ். இரும்புச்சத்து ஆகியன நிறைந்திருப்பதால் உடல் வலிமையை உண்டாக்கும்.

 தேவையான பொருட்கள்:

• கம்பு மாவு - 1 கப் 
• பச்சைபயிறு மாவு -1/4கப் 
• பொடியாக பேரிச்சம்பழம் -6
• பொடித்த முந்திரி - 1 டீஸ்பூன் 
• பொடித்த கருப்பட்டி-1/2கப் 
• வறுத்து பொடித்த எள் - 1 டீஸ்பூன் 
• உப்பு, நெய், பால் தேவைக்கேற்ப

செய்முறை:

         வாணலியில்கம்பு மாவையும்,பச்சைபயிறு மாவையும் தனித்தனியாக நன்கு வறுக்கவும். இந்த மாவுகளை மிக்ஸியில்போட்டு அத்துடன் கருப்பட்டியையும் சேர்த்து அரைக்கவும். நெய்யை சூடாக்கி முந்திரி, பேரிச்சம்பழத்தை வறுத்து மாவில் கொட்டவும். அத்துடன் பொடித்த எள், உப்பு சேர்த்துபிசறி வைக்கவும்.காய்ச்சிய பாலை கைபொறுக்கும் அளவு சூடாக்கி மாவில் கொஞ்சம் கொஞ்சமாக தெளித்து உருண்டைகளாக பிடிக்கவும். ஒருவாரம் வரை வைத்திருக்கலாம். பால்சேர்க்காமல் நெய் மட்டும் சேர்த்துஉருண்டை பிடித்தால் 15 நாட்கள் வைத்திருக்கலாம்.

பலன்கள்:

         உடலுக்குத் தேவையான புரோட்டீன் பாசிப்பயிறு மாவில் உள்ளது. இதனுடன் இரும்புச்சத்து, கால்சியம் ஆகியன அதிக அளவில் உள்ளன. பித்தத்தின் அளவை குறைக்கிறது. முந்திரிகருப்பட்டியில் இரும்பச்சத்து உள்ளதால் உடலுக்குத் தேவையான ஆற்றலை வழங்குகிறது.

தேவையான பொருட்கள்:

• பச்சைப்பட்டாணி- ½ கப்  ஊறவைத்தது
• உருளைக்கிழங்கு – 2
• வெங்காயம்,தக்காளி,பச்சைமிளகாய்- 1
• சோம்பு- 1/2 டேபிள் ஸ்பூன்
• தேங்காய் -1/2 டேபிள் ஸ்பூன்
• மிளகாய்த்தூள் - 1/2 ஸ்பூன்
• தனியாபொடி - 1/2 ஸ்பூன்
• மஞ்சள்தூள் -1/2 ஸ்பூன்
• உப்பு - தேவையான அளவு 
• கடுகு, கறிவேப்பிலை,எண்ணெய், பட்டை, கிராம்பு, கொத்தமல்லி நாளிக்க

செய்முறை:

      பட்டாணியை ஊறவைத்து வேகவைத்துக் கொள்ளவும்.உருளைக்கிழங்கை சதுரமாக நறுக்கிக் கொள்ளவும். சோம்பு, தேங்காய், பச்சைமிளகாய் இவற்றை அரைத்துக் கொள்ளவும், கடாயில் எண்ணெயைக் காயவைத்து தாளிப்புப் பொருட்களை சேர்த்துத் தாளிக்கவும். பிறகு, நீளமாக நறுக்கிய வெங்காயம், தக்காளி சேர்த்து நன்கு வதக்கவும், உருளைக் கிழங்கினையும் சேர்த்து இளம் சூட்டில் வதக்கவும். அதனுடன் மிளகாய்த்தூள், தனியா பொடி, மஞ்சள் தூள், சிறிதளவு தண்ணீரைச் சேர்த்து 10 நிமிடம் வேகவிடவும். பின் அரைத்து வைத்ததேங்காய் சேர்த்து 5 நிமிடம் கொதிக்க வைத்து குருமா இறுகியவுடன் கொத்தமல்லியைத் தூவிப் பரிமாறவும்.

பலன்கள்:

      ஆன்டி ஆக்ஸிடன்ட்கள் நிறைந்துள்ளதால் நோய் எதிர்ப்பு சக்தியைஅதிகரிக்கும். வளரும் குழந்தைகளுக்கு ஏற்ற புரதம் நிறைந்தது. பட்டாணியில் வைட்டமின் பி காம்ப்ளக்ஸ், கேமற்றும் பொட்டாசியம், பாஸ்பரஸ், ஃபோலேட் நிறைந்துள்ளது. உருளைக்கிழங்கில் கால்சியம், மெக்னீசியம் சத்துக்கள் உள்ளது. உதடுவெடிப்பு, இரத்தக்கசிவு உள்ள ஈறுகள் நோய்கள்குணமாகும்.